ميدو: أقسم بالله بنات إنجلترا وألمانيا يقدروا يكسبوا فرق في الدوري المصري
علق أحمد حسام ميدو على الاهتمام الخاص بنهائي أمم أوروبا للسيدات بين إنجلترا وألمانيا.
قال ميدو في تصريحاته عبر برنامج الريمونتادا على قناة المحور: "تخيلوا إن الحضور في ماتش نهائي أمم أوروبا للسيدات بين إنجلترا وألمانيا يبقى 87 ألف و192 رايحين يتفرجوا على البنات بيلعبوا".
أضاف: "إنجلترا بقالها سنين بتحضر الشعب الإنجليزي إنه يحب الكرة النسائية، إيمانا منهم بأن البنات من حقها إن هي تلعب كورة مفيش عُقد ولا عنصرية".
وواصل: "أقسم بالله بنات إنجلترا وألمانيا يكسبوا فرق عندنا في الدوري المصري، عندهم سرعة وقوة ومهارة واستلام وتحضير ولياقة بدنية وكل حاجة".
وختم حديثه قائلا: "الكلام ده مجاش من يوم وليلة، الكلام ده جه بتشجيع البنات في الأول إنهم يلعبوا كورة وعملوا أكاديميات وفرق، ومفيش نادي في إنجلترا يجرؤ إنه ميكونش عنده فرقة بنات، ليه الأهلي والزمالك معندهمش فرقة بنات ونلعب دوري نسائي كبير والفريق المصري الوحيد اللي مهتم بالكرة النسائية وادي دجلة".
