إعلامية تعرض ابنتها للزواج على الهواء: مش هكتب لبنتي قايمة «فيديو»

رفضت الإعلامية سهير جودة، المغالاة في المهور من قبل بعض الأسر متضامنة مع قرار إلقاء قائمة المنقولات، قائلة: "أنا مش هكتب لبنتي قايمة، وجوزها هيخدها كده، طالما أنا آمنته عليها".

وأضافت خلال حلقة اليوم من برنامجها "الستات" المذاع عبر قناة "النهار" مساء اليوم الاثنين،: "الزوجة لما بتهرب وبتجيب آخرها بتسيب كل حاجة وبتقول أطلق ومش عايزة منه حاجة وحصلت وبتحصل في بيوت كتير".

وتابعت: "مش الفلوس ولا القايمة هي اللي بتحفظ الحقوق مفيش ورقة مكتوبة بتحفظ حق الزوجة، معقبة : "هو مش هيعاملك كويس عشان ماضي على قايمة كبيرة".

وأكملت: "أهم شيء عندي إن زوج بنتي يحبها ويقدرها وميهينهاش ده عندي أهم من الحقوق المادية، لكن مفيش أي كتابة بتحفظ أي حقوق، الحقوق ليست مادية المال هو آخر شيء يربط الزوج بزوجته".

وأردفت: "ناس كتير جوزوا بناتهم من غير قايمة ، معقبة: "بنتي لو مش مبسوطة مش هيفرق معايا مال الدنيا هتعمل إيه بالمال لو محصلتش على راحتها، وضمان حقوق الست أخلاق الراجل وتربيته".