رضا عبد العال يفتح النار على سواريش: «أنت جاي تضحك على الجماهير؟»
علق الكابتن رضا عبد العال، على تعادل الأهلي بشكل سلبي أمام فاركو في مباراة اليوم.
وقال عبد العال، في مداخلة هاتفية لبرنامج "البريمو"، المذاع على قناة تن، موجها حديثه لـ ريكاردو سواريش، المدير الفني للفريق الأول لكرة القدم بالنادي الأهلي: "أنت مفيش حد بيهاجمك، غير الزمالك، فيوتشر، الفرق المصري اللي عايزه تكسب".
وأضاف: "الأهلي سقط من جديد وتعادل مع فاركو بدون أهداف، وأنا مستغرب الناس سايباه كده إزاي، ويعمل اللي هو عايزه في ماتشات سهلة ومضمونة بالنسبة لهم".
وتابع: "إصرار سواريش على ثلاثي في قلب الدفاع غير مبرر، هو بيضحك علينا وعلى جماهير الأهلي، ولا على جماهير مصر".
وواصل: "هو عارف أن كل 3 أيام في ماتش، والدوري مضغوط، الناس لا ضللوه ولا ضحكوا عليه، اشمعنا لما وقعت دلوقتي بتقول الإرهاق والإجهاد، إيه اللي خلاك مسكت، طالما مسكت يبقى تتحمل".
