تامر أمين: «أنا أهلاوي وفرحان في الأهلي» - فيديو

ثمن الإعلامى تامر أمين، قرار مجلس إدارة النادى الأهلى الذى صدر منذ قليل، عقب إلغاء هدفا صحيحا للأهلى فى مباراة فاركو ضمن منافسات الدورى المصرى.

وقال أمين، خلال حلقة اليوم من برنامجه "آخر النهار" المذاع على فضائية "النهار": " أنا أهلاوى وفرحان فى الأهلي، وأول مرة أفرح لما الأهلى يتعادل، العدل بيقول إن هذا الدورى مش بتاعنا".

وأضاف: "أنا كنت خايف يكسبوا وتهدى الأزمة وأنا مش عايز الأزمة تهدى، لأن المستوى الذى يقدمه الأهلى صعب وسيء جدا ويحتاج لوقفة تصحيح".

وتابع: "من 7 إلى 8 لاعيبة لا يستحقوا أن يرتدوا تيشيرت النادى الأهلى فى القائمة ممكن يبقوا نجوم فى نادى آخر ولكن فى الأهلى أو على دكة الأهلى لا".

وأكمل " كنت عايز أروح للجماهير اللى بتشجع للدقيقة الـ96 وأقولهم إنتوا بتنفخوا فى قربة مقطوعة وكنت هزعل لو كرة ميكسونى دخلت".

وأردف: "أنا بقول لحسام حسن إنت مخدتش من حسام حسن حاجة ولا الاسم حتة فى البطاقة"، معقبا: "الله يرحم أيام موسيمانى اللى كان بيعمل من الفسيخ شربات".