روبي: منعت أمي من الجواز بعد وفاة والدي وبنتي ربتني - فيديو

كشفت الفنانة روبى، الستار عن حياتها الشخصية، بتفاصيل ترويها لأول مرة، قائلة: "أنا جدى كان صعيدى كان حابب يخلف ولد لكنه خلف 7 بنات لأنه كان ليه تار عايز ياخده فى الصعيد".

وأضافت روبى، فى حوارها مع الإعلامية منى الشاذلى فى برنامج "معكم " المذاع على قناة" سى بى سى"، قائلة: "أمى اترملت بعمر 34 سنة، وأنا منعتها تتجوز، معقبة: "أنا بضرب نفسى بالجزمة إنى مخلتش أمى ترتبط بعد وفاة والدى، وأنا ظلمتها جامد لأنى كنت رافضة إنها تتجوز زمان".

وتحدثت روبى عن ابنتها "طيبة"، قائلة: "طيبة بنتى عندها 7 سنين وغيرت حياتى وربتنى"، معقبة: "الأطفال بيربونا مش إحنا اللى بنربيهم".

وتابعت: "وأنا اللى اخترت اسمها وصليت استخارة قبل ما اسميها ودى كانت أول مرة فى حياتى أعمل استخارة لأنى فى الأول كنت عايزه اسميها تحية، لكن الناس فضلت تتريق عليا بسبب اسم تحية".

وأكملت: "بنتى علمتنى حاجات كتير منها إنى أبقى مسؤولة أكثر وأصون لسانى لأنى ساعات بشتم، لكن هى علمتنى الأدب بخاف اشتم قدامها".