مش هتصدقوا اللي قاله.. هجوم ناري على التحكيم من لاعب الأهلي

فتح عمرو أنور نجم الأهلي السابق النار على التحكيم في مصر، بعد تعادل الأهلي مع فاركو في بطولة الدوري الممتاز هذا الموسم.

قال عمرو أنور في تصريحاته عبر برنامج الريمونتادا على قناة المحور: "أنا مبهاجمش الحكام، ولا بهاجم لجنة الحكام لكن لما حد يرتكب خطأ، يطلعوا يقولوا إن الشخص ده أخطأ".

أضاف: "لكن في كيل بمكيالين كلنا بشر وبنغلط، لكن العقوبة بتتوقع على مدير الكورة أو المسؤول لكن مفيش حكم بيتعاقب".

وواصل حديثه قائلا: "مصر كلها شايفة إن الكورة جون، والحكام مشافوش، والحكم مراحش لتقنية الفيديو عشان يتأكد من لقطة الهدف، وهل من الطبيعي إن سيد عبد الحفيظ هو اللي يلفت نظر الحكم ويحاول يلفت نظره بالموبايل، وهل كورة طرد لاعب فاركو محتاجة تقنية فيديو ده الأعمى يشوف اللقطة من غير ما يحتاج تقنية الفيديو".

وعن الدوري الممتاز هذا الموسم قال: "التحكيم جزء من ما يحدث في الأهلي من تراجع خلال منافسات الدوري هذا الموسم، وبرضو اللاعيبة، اللي مش حاسة بالجمهور معنديش مشكلة تخسر بطولة أو تتعادل، لكن اتفرج على آخر كام ماتش مفيش روح".