لماذا لم تتزوجي حتى الآن؟.. شاهد .. إجابة صادمة من نيرمين الفقي

كشفت الفنانة نرمين الفقي، عن السبب الأساسي وراء عدم زواجها حتى الآن.

وقالت نرمين، في لقاء لها عبر قناة النهار: "لو في قصة حب أكيد هقول، لكن لو من طرف تاني مش هعرف".

وأضافت: "في بداية حياتي قبل ما أمثل، كان في خطاب كويسين، ولكن والدتي كان ليها حب زيادة عن اللزوم، أو حب تملك، أنا كنت شاغلة كل حياتها وتفكيرها، فكان عندها طرد للخطاب، ولازم تطلع فيهم أي حاجة".

وتابعت: "اللي بيتقدموا دلوقت، فطسانين بجد، جاتلي حالة غريبة أوي، دخلت والدته قالتلي أنا مكنتش متصورة أن نيرمين ساكنة في شقة صغيرة كدا، طب انتوا بتعملوا إيه بالفلوس دي".

وواصلت: "كان ابنها حد كويس أوي لكن شخصيته كانت ضعيفة أوي، كنت مبسوطة أوي بعلاقتي بيه، لكن والدته كانت شخصية غريبة أوي".

وأكملت نرمين: "اللي إحنا بنتفرج عليه موجود في الحياة بجد، وديتها في فيلا عندنا في إسكندرية، قولتلها هي دي الشقة اللي عايزة تشوفيها، ورفضتها قولتلها مش موافقة أتجوز".