الخطيب يفجر مفاجأة حول السبب الحقيقي لرحيل موسيماني

كشف محمود الخطيب، رئيس النادي الأهلي، عن مفاجأة حول السبب الحقيقي، لرحيل الجنوب إفريقي بيتسو موسيماني، المدير الفني السابق للأهلي، خلال الفترة الماضية.

وقال الخطيب في تصريحاته: "موسيماني بالأرقام حقق إنجازات جيدة، لكن مين اللي عمل حملة هجوم عليه؟، كان فيه ارتباط بالاتحاد الدولي بالمغرب، وعند عودته عقدت جلسة معاه بحضور ياسين منصور واتكلمنا معاه، عن الدعم اللي محتاجه الفترة الجاية الحاسمة".

وتابع: "موسيماني فاجأنا إنه صحيًا ونفسيًا مش هيقدر يكمل، ولكننا إدناه مهلة 24 ساعة لأننا محتاجينه وهنقدمله الدعم اللي محتاجه، لكنه كان واضح إنه صحيًا قبل نفسيًا مش هيقدر يكمل وعلشان كده اعتذر".