«الطيران» تعترض على تدريب طالب.. والسبب أنه مجهول هوية الأب والأم
"مكنتش متخيل إني ممكن في يوم أقول كده بس انا بجد تعبت من السخافة وتعبت من كتر ما أنا بعدي في مواقف بايخة وسخيفة بسبب حاجة انا مخترتهاش".
بهذه الكلمات البسيطة وصف طالب بكلية الهندسة معاناته مع شركة مصر للطيران ، التي اعترضت على التدريب العملي الخاص بطلاب كليات الهندسة، الأمر الذي تسبب في ضياع حلم طالب هندسة.
وأوضح أن الوزارة عللت سبب رفضه للتدريب، انه تربية دار أيتام ومجهول هوية الأب والأم، معربا عن حزنه بسبب هذه الجملة التي تعترض طريقة دائما.
وقال:"اللي ميعرفنيش كويس انا من يوم ما فتحت عيني على الدنيا وأنا موجود في بيت لرعاية الأيتام وطبعا مش محتاج أتكلم عن كم التفرقة والعنصرية ونظرات التقليل اللي الواحد بيتعرضلها من و هو صغير".
وتابع: الحمد لله اجتهدت كتير جدا في حياتي وطلع عيني و ربنا وفقني وأخدت منحة لدراسة الهندسة الميكانيكية في الجامعة الأمريكية الـ AUC.
ومثل أي طالب في هندسة بننزل في الصيف ندور ع تدريب عملي علشان ننمي مهارتنا ونتعرف على سوق العمل وكمان علشان مينفعش نتخرج من غير عدد ساعات تدريب عملي معين.
قدم على تدريب صيانة تابع لمصر للطيران وكنت متحمسا جدا لمشاهدة ورش ضخمة ومعدات ومهندسين أصحاب خبرة في المجال، وعند ذهابه لم يجد اسمه في التدريب وفقط كان السبب ملحوظة أمنية، بعد عدم وجود معلومات عن الأب والأم.
"أنا بجد حسيت بظلم كبير النهاردة انا من حقي انزل تدريب عملي في الحاجة اللي أنا حاببها من حقي انزل تدريب عملي زيي زي الناس اللي كانت موجودة هناك ومن حقي انزل تدريب عملي.
وناشد جميع المسئولين بمراعة ظروفه ووضع نظام عادل لجميع أبناء دور الرعاية.
"من حقي اني احس اني انسان زيي زي اي حد من غير تفرقة وعنصرية"
بهذه الكلمات أنهى حديثه عن الظلم والقهر الذي يتسبب فيه المجتمع له.
يذكر أن قسم شكاوى المواطن في "بوابة مصر 2030"، يقدم خدمة استقبال شكاوى، واستفسارات القراء، والمتابعين طوال الوقت، في محاولة لرفعها إلى المسئولين من خلال التواصل معهم مباشرة لإيجاد حلول مناسبة.
