رضا عبد العال يهاجم الخطيب: «قراراتك فشنك وانت السبب في ضياع الدوري »

علق الكابتن رضا عبد العال، على القرارات الأخيرة التي اتخذها الكابتن محمود الخطيب رئيس النادي الأهلي.

وقال عبد العال، خلال استضافته ببرنامج "البريمو"، المذاع على قناة تن: "كابتن الخطيب لما اتكلم في إقالة لجنة الحكام، كان معروف لمصر كلها أنها هتمشي، فأول خبر فشنك أهو".

وأضاف: "بيقولوا قرارات وهي أصلا هتتاخد مش جديدة، زي إيقاف حكم الفار برده، إيه شكله دلوقتي بعد ما قال القرارات دي وهي لسه متنفذنش".

وتابع: "كابتن محمود الخطيب ومجلسه هو اللي ضيع مننا الدوري، وتاني واحد موسيماني، واللاعيبة اللي أنت خليتها تلعب وهما مش قادرين يكملوا".

وواصل: "ده كان السبب وراء أن الزمالك استفاد من هزائم النادي الأهلي وكم التعادلات السلبية خلال الفترة الأخيرة".