نجم الأهلي السابق: مفيش لاعب في مصر يستحق أكتر من 5 ملايين جنيه

انتقد نجم الأهلي السابق، شوقي عبد الشافي، التفاوت الكبير في أسعار اللاعبين، وعدم وجود شفافية وحد معين لذلك في مصر.

وقال عبد الشافي، خلال استضافته ببرنامج "البريمو"، المذاع على قناة تن: "اللي فاكر أن أندية العالم كلها بتخسر فلوس، لا ده عنده كتير، لكن المفروض أنظم القصة هنا في مصر، عشان ميبقاش في عشوائية في أسعار اللاعيبة".

وأضاف شوقي: "تخيل فرقة واحدة، فيها لاعب بياخد 20 مليون جنيه، وواحد بياخد 5 ملايين، ولاعب تاني بياخد 100 ألف".

وتابع: "لو واحد زي ميسي أقولك ماشي ممكن ياخد مبلغ كبير، لكن في مصر مفيش لاعب يزيد في مصر عن 5 ملايين جنيه بالكتير أوي".

وواصل: "أنا بيعجبني لاعيبة كتير، لكن لازم يكون في شفافية، وتسويق صح، مينفعش اشتري لاعب بمزاجي، ولازم أدي فرصة للاعبين الصغار".