كاتبة شابة تتهم صناع فيلم «جروب الماميز» لـ روبي وغادة عادل بسرقة فكرة الفيلم

وجهت فتاة شابة تدعى منى أبو طالب اتهام لصناع فيلم جروب الماميز، الذي يقوم ببطولته كل من غادة عادل وروبي وريم مصطفي وبيومي فؤاد ومحمد سلام، بسرقة الفكرة التي كانت عرضتها على الجهة المنتجة قبل فترة.

ونشرت منى أبو طالب على صفحتها بموقع التواصل الاجتماعي فيس بوك: «اللي ادمنا ده جروب الماميز، للأسف جروب الماميز أصلا فكرتي وقصتي أنا منى أبوطالب والكل عارف إن العمل ده بتاعي وأنا اللي اخترت المخرج والسيناريست اللي يكتب العمل، وبالفعل اتفقت مع المخرج أمير شوقي والكاتب والسيناريست محمد فضل اللي ابتدى بالفعل في معالجة وتتابع للأحداث لقصتي اللي هي جروب الأمهات».

وتابعت: «وقمت بالفعل بتقديمه لشركة المتحدة وتم إبلاغي أن قسم القراءة بيقراه وبعد فترة قصيرة اكتشفت إن في عمل بنفس الاسم والفكرة هيتم تصويره ولكن بمؤلف اخر و مخرج آخر».

وأضافت: «للعلم جروب الأمهات بشتغل عليه من أكثر من ٣ سنين ومنتجين كبار ومخرجين كبار يعلم بيه كل مصر عارفه إن دي قصتي وفكرتي والاسم بتاعي… وليه ديما المواهب الشابه لازم تنسرق من عالم فارغه من أي موهبة؟».