بالفيديو.. سيد علي يهاجم محمد رمضان: «نمبر وان هما شهداء أكتوبر مش إنت وفنّانات العُرّي»
هاجم الإعلامي سيد علي، الفنان محمد رمضان، على خلفية مشاركة الأخير في مهرجان الجونة السينمائي الدولي، قائلًا: «لما يطلع فنان ممثل اسمه محمد رمضان، شبه المصريين، مينفعش يلبس كده ويعمل كده ويقول أنا نمبر وان، نمبر وان الشهيد أحمد حمدي، والشهيد إبراهيم الرفاعي، نمبر وان هم شهداء حرب أكتوبر، هما دول الأساطير مش نمبر وان».
وتابع علي، خلال تقديمه برنامج «حضرة المواطن»، المذاع عبر فضائية «الحدث اليوم»: «مهرجان الجونة، يا جماعة في بلد الممثل عبد الحليم حافظ، وبعض الممثلين كانوا يختاروا الأدوار اللي ميطلعوش فيها أشرار عشان الناس تحبهم، ورسالتي للفنانات وظيفتكم التمثيل لازم تلبسوا زينا، لكن هوليود وفرنسا عندهم ثقافة تانية شبه مجتماعتهم، عشان كده لما تيجي تلبسي فكري؛ أمك كانت بتلبس إيه، وخالتك كانت بتلبس إيه».
وأردف مقدم البرنامج: «ملكات وأميرات العالم لبسهم مفيهوش حاجة عريانة دول الأميرات والملكات والهوانم يا هوانم أنا دافعت عن مهرجان الجونة، السنتين اللى فاتم، لكن باسمع دلوقتي أخبار نجمات وفنانات وفساتين وعُرّي، معرفش فيه كم فيلم، ولا إيه اللي بيحصل، شلة هيا هيا، نفس الوجوه، بقت عندنا مشكلة في مصر الدايرة بتضيق بشكل كبير رغم عن البلد دي واسعة جدًا».
