نجم الأهلي لـ «بوابة مصر 2030»: كل حاجة في مصر زملكاوية - فيديو

علق أحمد فوزي نجم الأهلي السابق، على أزمات إدارة الأحمر مع اتحاد الكرة، بعد شكوى مجلس الإدارة الأخيرة برئاسة محمود الخطيب، بسبب تعنت الجبلاية ضد القلعة الحمراء.

وقال أحمد فوزي في تصريحات خاصة لـ"بوابة مصر 2030": "اتحاد الكرة بيتعامل بمبدأ أسد عليا وفي الحروب نعامة، هو بيقف على النادي الأهلي في كل حاجة، وبيعدي للأندية التانية حاجات غريبة.

وتابع: "الاتحاد لازم ياخد من الأهلي فلوس علشان يسجل لاعبيه، في الوقت نفسه فيه أندية بقالها سنين مش بتدفع فلوس، دا غير مواعيد المباريات اللي بيحددها بمزاجه مش بمزاج الناس التانيين".

وواصل: "أي قضايا تصل من الفيفا يتم التكتم عليها، وأندية بيكون عندها مشاكل في القيد لا يتم الإعلان عنها إلا بعد غلق القيد، ويكون النادي قيد 3 أو 4 لاعيبه".

وشدد: "هناك مشاكل كبيرة يتسبب فيها اتحاد الكرة، ومش عايز أقول في مؤامرة، لكن كل حاجة بتوصلنا مهمة جدًا إن كل حاجة في مصر زملكاوية".