عصام كاريكا: «مليش رسالة في الغناء كان نفسي أبقى مشهور بس» - فيديو
قال المطرب والملحن عصام كاريكا، إن اتجاهه للغناء أثر بشكل كبير على أعماله كملحن، قائلًا: "أنا لما غنيت ضريت عصام كاريكا الملحن، لأني غنيت أغاني خفيفة، نسيوا أني لحنت أهم الأغاني في مصر لعمرو دياب، بهاء سلطان، شيرين، وغيرهم كتير".
وأضاف كاريكا، خلال استضافته ببرنامج "الستات"، المذاع على قناة النهار: "كان نفسي أبقى مشهور بس، مليش رسالة في الغناء، كنت بعمل ألحان جميلة جدًا، بس محدش كان عارفني".
وتابع كاريكا: "بيحصل كتير أن مطرب يقول ما هو لو عنده حاجة حلوة هيخليها لنفسه، لكن أنا كنت بخلي لنفسي الحاجات الخفيفة، وأسيبلهم التقيل، وفعلا في مطربين مبقوش يتعاملوا معايا عشان خاطر الموضوع ده".
