أحمد موسى لطلاب الثانوية: «بلاها اقتصاد وعلوم سياسية مش هتروح الخارجية» - فيديو

وجه الإعلامي أحمد موسى، رسالة لطلاب الثانوية العامة، أثناء كتابة الرغبات في التنسيق الإلكتروني، قائلا: "بنصح ولادنا أرجوكوا اختاروا الكلية اللي ليها مستقبل وتتخرج تلاقي شغل ليها.. مبقاش في شغل دلوقتي إلا لكليات بعينها".

واستكمل أحمد موسى، موجها نصيحته للطلاب، خلال حلقة اليوم، من برنامج "على مسؤوليتي"، المذاع على فضائية "صدى البلد"، توجهوا للكليات التكنولوجية كل المستقبل لهذه الكليات، وحتى كليات الزراعة وكليات الذكاء الاصطناعي.

وتابع: "بلاها اقتصاد وعلوم سياسية مش هتروحو الخارجية، لأنهم بياخدو 60 واحدًاعلى أقصى تقدير، وهم بياخدوا على الفرازة".

واستطرد: "بالنسبة لكلية إعلام القنوات مش هتاخد كل الخريجين وكام واحد اتخرج ومش لاقي شغل".

وأكد أن فرص العمل المتاحة للكليات الحديثة والمرتبطة بالتكنولوجيا.

وأعلن الدكتور أيمن عاشور، وزير التعليم العالي، أن الحد الأدنى للقبول بكليات سياسة واقتصاد 340 درجة بنسبة 82.92%، فيما جاءت الألسن بـ329 درجة بنسبة 80.24%، والإعلام 316 درجة بنسبة 77.03%، أما كلية الآثار كان الحد الأدنى 315 درجة بنسبة 76.82 %، والفنون الجميلة 282 درجة بنسبة 68.87%.