عبدالله رشدي يرد على اتهامه بهتك عرض سيدة أجنبية
رد الداعية الدكتور عبدالله رشدي على ما تردد مؤخرًا على صفحات التواصل الاجتماعي يتهمه بهتك عرض فتاة أجنبية.
وكتب رشدي عبر حسابه الرسمي على موقع التغريدات القصيرة "تويتر": "وصلني هذا السيناريو الخياليُّ السَّاذَجُ الذي لا يقنعُ به طفلٌ رضيع!".
وتابع رشدي: "وقد جَرَتْ عادَتُنا أن نترفَّعَ عن مثلِ هذا العبثِ الذي يدل على فشلِ كاتبه في تأليفِه وحيازتِه جائزة أفشل مُلَفِّق في ٢٠٢٢.. وجارٍ اتخاذُ الإجراءاتِ القانونيةِ حيالَ هذا التشهير بالخيال والباطل".
وكانت صفحات التواصل الاجتماعي شهدت مؤخرًا حالة من الجدل بعدما نشر حساب مجهول لفتاة منشور جاء فيه: أنا جيهان، أنا صْحية من ضمن صْحايا الشيخ عبدالله رشدي، سيدة عربية وحاليًا مستقرة في دولة أوروبية وزيي زي البعض منكم كنت من ضمن محبين ومتابعين الشيخ عبدالله رشدي.
وتابع الحساب: من فترة كبيرة دخلت كلمته في استشارة دينيه بخصوص ناس مقربين ليا ورد عليا عادي وبعدها تابع معايا لحد ما الموضوع خلص وكملنا مع بعض كمعارف عادية.
وبدأت أعجب بيه وطلب مني إني أقابله في مصر عشان نتعرف أكتر واتفقنا إنه لو تم التوافق هنتجوز بشكل رسمي.
وواصل: اتفقنا نعمل عقد شرعي عشان بس لو تواجدنا مع بعض أو سلمنا علي بعض أو اتكلمنا في حاجه خصوصية وكل التفاصيل دي تبقي حلال، بس شرطت أنه مايتعرضليش ولا يلمسني وعاهدني أنه مش هيلمسني وبعدها مشيت في إجراءات السفر ونزلت مصر واستقبلني في المطار كنت حاجزة شقة ومعاد إخلاء الشقه دي عارض اليوم اللي نزلت فيه.
وأضاف الحساب: رشدي كلم حد من أصحابه وأخد منه مفاتيح الشقه اللي تخص صديقه في العبور عشان أقعد فيها ولما روحت هناك فكلم حد من أصحابه جمعله شقة في العبور ولما روحت هناك قالي هقعد بس معاكي خمس دقايق نرتاح من المشوار، وأنا بحكم إني عايشه في أوروبا والمجتمعات الغربية مفيهاش خوف في المواقف اللي زي دي فقولت أكيد مش هيعمل حاجه في الخمس دقايق دول وهو راجل دين أكيد بيخاف ربنا.
وتابع الحساب: عمل هو الاتفاق بشكل شفوي بدون أي ورق واتصل باتنين شهود مشايخ دكاترة في جامعة الأزهر دكتور أحمد البصيلي دكتور بجامعة الأزهر ودكتور آخر اسمه أحمد بس لا أتذكر اللقب شهدوا على الاتفاق بشكل شفوي بردو وأنا أكدت عليه أنه مينفعش يلمسني إحنا عملناه فقط عشان الحرمانية على حسب كلامه.
واستكمل الحساب: وبعد ما تم العقد خالف العهد ده وتعدي عليا بدون موافقتي وبعد محاولات كتير إهاىْـة وهتك عرض عرفت أخلص من تعديه عليا اللى كان بكل عنف.
وتابع: بعدها فضلنا على تواصل من بعيد عشان أذيته لي وبعدها اعتذر وقال إن مكنش قصده يعمل كده ورضاني وصالحني وكان بيقابلني بعدها في مدينة نصر وفي مدينتي وفي الشارع، عشان ده ميحصلش تاني وآخر يوم كان متغير معايا جدًا وكان لطيف وقالي إنه متمسك بيا واتفقنا إننا هنكمل في العلاقة عشان نفهم بعض أكتر.
واستطرد الحساب: وصلنا لحل إننا هناخد وقت نتعرف فيه على بعض أكتر ومشيت سافرت وسبت مصر وبعدها بكام يوم وبدون أي سبب قالي إحنا لازم ننهي الموضوع ده بأي شكل أنا مش فاضيلك وبعدها قالي إنتي من النهاردة حرة اللي هو كده أنتي طالق بس مقالش طالق.
وقال الحساب أنه صاحبة الواقعة وأنها تعرضت للتعب النفسي، واستكمل: تعبت ىـْفسيا وصعبت عليا نفسي وبقت دماغي تفكر كتير طيب ليه عملت كل ده طالما مش عايزني ومعندكش وقت ليا، لحد ما فكرت أشتكي لأهله عشان غدر بيا واستغفلني ودي بالنسباله كانت جوازة متعة وتواصلت مع إخوانه وأول ما كلموه حلف على المصحف إنه ميعرفنيش.
وأكمل: وبعدها تواصلت مع مراته من أكونتها الشخصي اللي عليه أولادها وعيلته وفي كل التفاصيل دي هتلاقوها في فيديو الشاشه اللي نزلته.
وتابع: وبعد ما تواصلت مع مراته اكتشتف إن أنا مش أول واحدة يحصل معاها كده وإن أنا مش آخر واحدة كمان وبعد مامشيت من مصر كان في واحدة تاني غيري معاه، كلمته أقوله أنا عايزة حقي قالي اعملي اللي إنتي عايزاه، وخلاص ضاع حقي وضاع حق البنات اللي بيتم التلاعب بيهم كل كام يوم اللي هو بيفْتل صوتهم وحقوقهم بشعبيته وشهرته ومنصبه وإن محدش هيصدق كلامهم ولا كلامي.
وواصل: وبما إن هو فوق القانون ف أنا سلمت أمري لله وأنا خصيمة عبدالله رشدي يوم القيامة ومش مسامحة في حقي ولا هسامح فيه لحد يوم الدين وعند الله تجتمع الخصوم.
واختتم الحساب: ولو في حد مشكك في كلامي هقولك ده حقك وأنا مش هجبر حد على إنه يصدقني بس تقدر تراجع الفيديوهات والفيديو اللي خارج من صفحة مراته أم أولاده وبتأكد إني مش أول واحدة يحصل معاها كده وبعدها أحكم وقبل ماتحكم اتأكد عشان دي أعراض ناس حقها هيضيع بسبب شهادتك ورأيك وعند الله تجتمع الخصوم.
وفي السياق ذاته رد الداعية الإسلامي والشيخ الأزهري أحمد البصيري على ما نسب إليه في الواقعة: وكتب عبر صفحته الرسمية على موقع فيس بوك: الزج باسمي في أي مهاترات أو معارك شخصية لا علاقة لي بها.. سيصاحبه فورًا اتخاذ الإجراءات القانونية اللازمة.
