بقت مساكن شعبية.. فيديو يثير الجدل لمشتري فيلا الـ100 مليون

فجر مواطن مصري، حالة غضب عارمة لدى المواطنين عقب نشره مقطع فيديو عبر حسابه اشخصي بموقع التواصل الاجتماعي "فيسبوك"، يعلن خلاله أنه أحد المنعمين بفيلا الـ100 مليون جنيه بالساحل الشمالي.

ووجه المواطن رسالة للمصريين بعبارات غير لائقة استفز بها المواطنين، قائلًا: "مساء الخير يا جماعة، بالنسبة للناس اللي بتتكلم علينا وبقولوا فيه ناس معاها فلوس وبتشتري فيلل بـ100 مليون في الساحل دي أرزاق يا جماعة عشان محدش يزعل".

وأضاف: "إحنا ناس بنجب الخصوصية جدًا فوق ما تتصوروا وإحنا شاريين فيلل الساحل دي عشان خاطر ننسى التعب و المجهود اللي بنبذله في حياتنا عشان نحقق صفقات نجيب من وراها الفلوس دي عشان نعرف نتبسط ونقضي وقت جميل في أملاكنا".

وتابع: "متزعلوش أوي يا جماعة، زي ما أنتوا زعلانيين كدا أنه فيه ناس معاها فلوس وبتشتري فيلل بـ100 مليون جنيه، متفتكروش إن إحنا مبسوطين بالعكس إحنا فوجئنا معانا في نفس المكان فيلل بـ40 مليون و17 و9 مليون بس".

وأكمل: "دي حاجة حزنتني جدًا وفكرت إن أنا مروحش، وعايز أقولكم خبر مش كويس هو إن أنا مش هروح أقعد مع ناس أقل مني في المستوي أنا شاري فيلا بـ100 مليون يقعد معايا ناس بـ100 مليون، لكن مينفعش يسكن معايا في نفس المكان ناس شارية بـ 40 و 9 مليون، أعتقد إنه كدا بقت مساكن شعبية".