أول تعليق من طبيب شيرين على تقبيل يده في مهرجان قرطاج «فيديو»
قال الطبيب المعالج للفنانة شيرين عبد الوهاب، الدكتور نبيل عبد المقصود، إن الفنانة شيرين تمثل الطرب المصري الأصيل.
وأضاف عبد المقصود خلال استضافته ببرنامج "صالة التحرير"، المذاع على قناة صدى البلد: "شيرين عملت بروفة واحدة أنا محضرتهاش، والتصرف التلقائي اللي عملته شيرين في الحفل، أنا فوجئت بيه، لما مديت إيدي وقبلتها".
وتابع: "ده هزني نفسيًا، وهز مشاعري، حسسني بسعادة وفرحة غامرة، الموضوع كان جميلا وكله حب ومشاعر وتلقائية".
وأكمل: "كانت أول مرة أحضر حفلة، بحكم شغلي، ومعنديش وقت، لقيت جمهور 15 ألف واحد وأكتر، من كل الدول، حاجة كانت مشرفة جدًا".
وواصل: "أنا كنت شايف أنها قادرة تقف وتعمل وتغني، كان دوري أديها زقة، وأقولها هتقدري، عشان كده روحت معاها، لما لقيتها بتقولي هعتذر، قولتلها أنتي هتروحي، وهتغني، وقادرة على الغناء، وهتبهري الجمهور، وفعلًا أنا فوجئت بتفاعل الجمهور".
