«مريض وصعبان عليا».. حورية فرغلي تكشف حقيقة تعاطفها مع قاتل نيرة أشرف

كشفت الفنانة حورية فرغلي حقيقة تعاطفها مع محمد عادل، المتهم بقتل طالبة المنصورة نيرة أشرف، وذلك خلال مقابلة مع تليفزيون عمّان.

حيث قالت حورية فرغلي في مقابلة مع تليفزيون عمّان: "أنا اتسألت إيه رأيك في موضوع نيرة، وقلت كانت ما شاء الله زي القمر ولها مستقبل في المودلينج، بس برضه زعلانة أوي على محمد عادل".

وأضافت: "هو صعبان عليا لإن الولد ده مريض ومش طبيعي، وكان بيحبها حب عبادة، يا إما تكوني معايا أو تموتي، أنا ماقلتش كلمة تعاطف".

وتابعت: "ليه أتكلم بشخصيتي العادية وحد يؤول كلامي، في حد عايز الناس تكرهني، ومتضايق إن ناس كتير واقفة جنبي وبتدعيلي".

وكشفت حورية فرغلي، أن أحد أعمالها في الفترة المقبلة مسلسل لرمضان 2023 يجمعها بالفنانة نبيلة عبيد، وتظهر فيه بشخصية صعيدية.