عن تصريحات الزوجة مش ملزمة.. مفيدة شيحة تنتصر للرجال برد غير متوقع «فيديو»

عقبت الإعلامية مفيدة شيحة، على الجدل المثار مؤخرًا بين مؤين معارض لتصريحات الزوجة مش ملزمة بخدمة زوجها وإرضاع أبنائها وإن فعلت ذلك تأخذ أجر مادي من زوجها.

وقالت الإعلامية مفيدة شيحة، خلال حلقة اليوم من برنامجها "الستات" المذاع عبر قناة "النهار وان"، مساء اليوم السبت،: "بقالنا كام يوم، الدنيا قايمة مش قاعدة بسبب تصريحات عدد من الشخصيات حول أن المرأة مش ملزمة بيها تخدم جوزها ومش ملزمة ترضع ولادها، وإذا عملت كدا تاخد أجر".

وتابعت: "المرأة مش بتخدم جوزها وأبنائها و بتعمل دا كنوع من التفضل على الرجل، صحيح هي مش مجبرة لكن السعادة الحقيقة أنها تعمل كدا وتخدم أغلى الناس على قلبها زوجها و أبنائها".

وأكملت: "لكن للأسف إحنا وصلنا لوضع محير فعلا لأنه يوجد أما رجال شايفين إن الست فعلا مش ملزمة بالحاجات دي، والبعض شايف إن الست لو مش هتخدم جوزها وأبنائها يبقى إيه لازمة الجواز نفسه، معقبة: "الخوف بقى من تقديم النصيحة الخطأ اللي ممكن تخرب البيوت".