قارفينا ليه؟.. طليقة أحمد الفيشاوي تثير الجدل برأيها في «أجر الرضاعة للزوجات»
علقت ندى الكامل، طليقة الفنان أحمد الفيشاوي، على الجدل الذي أثير مؤخرًا حول أجر الرضاعة للزوجات.
وكتبت ندى، في منشور لها عبر صفحتها على إنستجرام: "اه الست ملزمة تخدم جوزها وتراعي بيتها وحياتها وملزمة ترضع عيالها واللي بيقول غير كده يبقى إنسان عوج.. ملزمين لكن إلزام بالحب وبالفطرة أمال إحنا ستات ليه؟".
وتابعت: "أنا باخد بالي من ولادي وبحبهم وأتمنى أني أعيش وهما يرتاحوا.. بيتي وأولويات بيتي أهم من أي حد واللي يقول غير كده يبقى أفاق.. كله بالحب والرضا بيمشي.. أمال أنتوا قارفينا ليه بحكاية نص المجتمع فعلا وحياتنا دي".
وأكملت: "الست اللي ما تدلعش جوزها وتحببه في حياته وفيها يبقى فقدت عنصر مهم من أنوثتها.. هو في أحلى من أنك تكوني متجوزة ومرتبطة بالراجل اللي بتحبيه ويكون داخل بيته وأنتي عاملة كل حاجة تريحه عشان تبسطه والحياة تمشي؟ والست دايما بتدي وتصبر لحد ما بتزهق لكن إحنا كستات عندنا مخزون لا ينضب من الحب والتضحية لحبايبنا.. سيبوا الستات في حالها وفي بيوتها الحكاية مش ناقصة تسخين".
