طليقة أحمد الفيشاوي: «الست ملزمة ترضع وتدلع جوزها»
كشفت طليقة الفنان أحمد الفيشاوي رأيها في الجدل الذي أثير مؤخرًا عن أجر الرضاعة للزوجات، حيث قالت في منشور لها على حسابها بموقع الصور الشهير «إنستجرام»: «اه الست ملزمة تخدم جوزها وتراعي بيتها وحياتها وملزمة ترضع عيالها واللي بيقول غير كده يبقى انسان عوج».
وتابعت: «ملزمين لكن الزام بالحب وبالفطرة أمال احنا ستات ليه ؟ .. أنا باخد بالي من ولادي وبحبهم واتمنى اني اعيش وهما يرتاحوا .. بيتي وأولويات بيتي أهم من أي حد واللي يقول غير كده يبقى أفاق .. كله بالحب والرضا بيمشي .. أمال انتوا قارفينا ليه بحكاية نص المجتمع فعلا وحياتنا دي».
وأضافت: «والست اللي ما تدلعش جوزها وتحببه في حياته وفيها يبقى فقدت عنصر مهم من أنوثتها .. هو في أحلى من انك تكوني متجوزة ومرتبطة بالراجل اللي بتحبيه ويكون داخل بيته وانتي عاملة كل حاجة تريحه عشان تبسطه والحياة تمشي ؟ والست دايما بتدي وتصبر لحد ما بتزهق لكن احنا ما ستات عندنا مخزون لا ينضب من الحب والتضحية ل حبايبنا .. سيبوا الستات في حالها وفي بيوتها الحكاية مش ناقصة تسخين».
