شيكابالا عن مؤمن زكريا: «دمه خفيف وكارثة» - فيديو
تحدث اللاعب مؤمن زكريا، عن تفاصيل علاقته بكابتن نادي الزمالك شيكابالا، قائلا: شيكا أول من قابلني في نادي الزمالك وقالي أنا معاك وفي ضهرك ودايما هو أخ كبير ليا وشيكابالا أحسن مني وهو في حتة أعلى.
وقال شيكابالا، خلال استضافته ببرنامج "صاحبة السعادة"، المذاع على فضائية "دي إم سي"، إن مؤمن زكريا من أفضل اللاعبين في مصر، معلقا: مؤمن لعيب كبير وبعيد عن الكورة هو محبوب من كل الناس لاعيبة وإداريين وجهاز فني.
وتابع: مؤمن زكريا طيب جدا ودمه خفيف جدا وكارثة.. كان بيعمل كوارث ومبيسبش حد في حاله من الهزار والضحك وأنا الوحيد الي معملش مقلب فيا عشان أنا حبيبه.
وقال شيكابالا، إنه كان المخطط والعقل المدبر لمقالب مؤمن زكريا في زملائهم بالمنتخب ونادي الزمالك.
