«بترفع مقاساتي وواخد بالك من كل حاجة فيا اتوضى واستغفر وصلي».. ندى الكامل تهاجم مظهر شاهين
شنت ندى الكامل طليقة الفنان أحمد الفيشاوي هجومًا حادًا على الشيخ مظهر شاهين، وكتبت في عدة منشورات على استوري حسابها الشخصي بموقع الصور الشهير إنستجرام معلقة: «إذا نطق السفيه فلا تجبه، فخير من إجابته السكوت، سكتُ عن السفيه، فظن أني عييت عن الجواب وما عييت.. وكم من جاهل في الدين يفتي بآلاف المصائب قد نسب».
وتابعت ندى الكامل ردًا على مظهر شاهين: «هو ده آخرك في الرد عليّ، بتتفنن في وصفي، وبعدين ما أنت ما شاء الله أهو واخد بالك من كل حاجة فيا ومركز أوي، ركز في نفسك يا أخ، ولو الفيلر والبوتكس هما اللي مغطيين على ريحة الدم، وإنك مش شامم غير ريحتهم تبقى مصيبة، إنك تسيب الحال والأحوال وترد عليّ، وبعدين متتكلمش عن النفخ، لأن اللي زيك واللي شبهك نافخنا من غير أي حاجة، وكمان مطهقنا في عيشتنا، سيبك من التمعن في جسمي ووصفه وركز في نفسك، وقوم من على الشلتة وبطل لت وعجن».
وأضافت: «وبعدين انت بتهاجمني ولا بترفع مقاساتي، ما تتوضا كدة وتستغفر ربنا وتصلي لك ركعتين، بدل ما انت عامل فيها خبير تجميل، أو ترد عليا بالتي هي أحسن، زي ما مفروض ترد وبالحسنى، وتحترم نفسك وشغلتك انت درست واتعلمت دين ولبست العمة عشان تهاجمني بطريقة توصفني بيها، فين رد الإساءة بالمعروف اللي اتعلمته؟ فين فن الرد؟ فين وفين وفين؟».
واختتمت: «كدة واحد واحد، انت بتحط مكياج وكونتور في البرامج، وأنا بحب البوتوكس والفيلر، بس أنا بحط غالي، انت بتحط رخيص».
