مفاجأة.. حقيقة صفع العميد طالبتين بـ تجارة الإسكندرية «فيديو»

كشف الدكتور السيد الصيفي، عميد كلية تجارة جامعة الإسكندرية، حقيقة صفع طالبة في مكتبه.

وقال الصيفي، في مداخلة هاتفية لبرنامج "صالة التحرير"، المذاع على قناة صدى البلد: "هذا الخبر عاري تمامًا من الصحة، أنا معرفش جابوا الكلام ده منين، النهارده كان معانا الطلبة وأولياء أمورهم بيعتذروا عن اللي حصل قالوا إحنا جبنالكوا مشاكل وتوتر".

وأضاف: "الطالبات ليس لهم أي دور وقالوا نحن لا نعلم من أين أتى هذا الكلام، وكتبوا إقرار بذلك ووقعوا عليه".

وتابع: "لم يتم صفع أي طالبة على وجهها في مكتبي، مفيش عميد محترم هيعمل حاجة زي كدا دول ولادنا".

وأكمل: "إحنا عندنا نظام الساعات المعتمدة بيقول إن بعد مرور سنة من الطالب لازم يجيب 1.6 Gba عشان مياخدش إنذارات".

وواصل: "حوالي 370 طالب خدوا إنذارات متصلة بينهم البنتين، قولنا عايزين نديهم فرصة رابعة، لكن مجلس الجامعة رفض، وقال دول مكنش عندهم مشكلة".

واستطرد: "قولنا للطلبة وأولياء أمورهم، لكن البنتين تكلموا بطريقة غير لائقة، لكن لم يحدث أي رد فعل مخالف مننا".