أديب عن إعدام قاتل شيماء جمال: «دا أول قاضي يتعدم ومش عايزين نزيط أوي» - فيديو
عقب الإعلامي عمرو أديب، على الحكم الصادر اليوم، بإعدام القاضي المتهم بقتل الإعلامية شيماء جمال وشريكه، قائلا:" مش عايزين نزيط أوي إن قاضي اتحكم عليه بالإعدام، لازم نعدي المراحل دي".
وأضاف الإعلامي عمرو أديب، خلال حلقة اليوم من برنامجه "الحكاية" المذاع عبر فضائية "إم بي سي مصر" :" دا أول حكم بالإعدام يصدر على عضو بهيئة قضائية، دا أول قاضي اتحكم عليه بالإعدام".
وتابع:"الأصل أننا كلنا سواسية كأسنان المشط، واللي غلط يتحاسب"، معقبا:" لو تعرفوا الراجل ده اتجاب إزاي مش هتصدقوا، كان ممكن يفلت، بس إحنا عندنا محمد بيه في قسم الهرم عرف يجيبه إزاي".
وأكمل:" كل واحد بيكون فاكر أنه عمل الجريمة الكاملة، واتخيل إنه شاطر وذكي ولكن إخواتنا في المباحث والشرطة لديهم خبرة كبيرة، معقبا :"الأجهزة الأمنية في مصر تتمتع بسرعة كبيرة بضبط المجرمين ".
وقضت محكمة جنايات جنوب الجيزة، اليوم الأحد، بالإعدام شنقًا للمتهمين بقتل المذيعة شيماء جمال، وهما زوج الضحية وصديقه، بتهمة قتلها ودفنها داخل مزرعة في منطقة البدرشين التابعة لمحافظة الجيزة.
