الزوجة الأولى لـ زوج بوسي: «لن أقبل وجود ضرة.. عيالي فهموا أن أبوهم أتجوز من الناس»
أوضحت منة محمد، الزوجة الأولى لـ هشام ربيع زوج بوسي، تفاصيل طلاقها بسبب بوسي، مشيرة إلى أنها في خلافات مستمرة مع زوجها، ولن تتقبل وجود ضرة.
وقالت منة: أنا حسيت أول ما هشام وبوسي اتعرفوا على بعض وعرفت علاقتهم لأنه كان متغير شوية، وعلاقتهم اتطورت لما كنت في مشاكل مع هشام بسببها، حاولت أخبي على ولادي زواج والدهم ولكنهم عرفوا وزعلوا من كلام الناس، وهو حاليا عايش في شقة لوحده ولا معايا ولا معاها، كلنا متخانقين.
وتابعت منة: أنا عندي ولدين توأم 13 سنة وبنت 4 سنين وطبعا فهموا أن والدهم أتجوز من تعليقات الناس، وبقول لهم إنها فترة وهتعدي وهشام هيبقى معانا تاني وأنا مش عارفة هعمل إيه هل هيطلقني ولا هيطلقها لأن لازم واحدة تكمل، ولو طلقني تاني هتقبل أنه اختار طريقه وربنا مش كاتب لنا نصيب مع بعض.
وأضافت منة: هشام مش مقصر مع ولاده وبيصرف عليهم ومش مخليهم محتاجين حاجة وبيزورهم، وأنا وبوسي مش من منطقة واحدة احنا من محافظة الشرقية بس، ولا أنا أعرف بوسي ولا هي تعرفني.. والفترة الجاية هنشوف الدنيا هتمشي إزاي.
ومن ناحية أخرى، نفى هشام ربيع طلاقه من بوسي في تصريحات سابقة، مشيرًا أن زوجته الأولى منة، تقبلت وجود بوسي ولم تعترض وأنهما من منطقة واحدة وعلاقتهما جيدة.
