بوسي تنفي تصريحات ضرتها: أنا اللي قولتله يردها وولادها أصحاب ابني

قررت المطربة الشعبية بوسي الرد وتوضيح حقيقة طلاقها من زوجها مصفف الشعر هشام ربيع، وذلك بعد الأزمات التي أثيرت مؤخرًا، وإعلان هشام عودته لزوجته الأولى.

وكشفت بوسي في مداخلة هاتفية مع الإعلامية بسمة وهبة مقدمة: "اتفقت مع زوجى على أن يرد طليقته لأنى عارفة قيمة الضنا، وأولاده أصحاب ابني، ولما اتجوزنا كان منفصل عن مراته من فترة، وعمري ما هتجوز راجل وعلى ذمته واحدة تانية".

وتابعت: "الناس إيه اللي عرفها إن في مشاكل، أنا متطلقتش وحياتنا مستمرة وممسحتش صورنا مع بعض، ومنزلتش غير صورنا في الفرح، والله العظيم ما مسحت صورنا، أمسحها ليه؟! حياتنا تخصنا مش تخص حد تاني".

وعلى صعيد آخر أوضحت منة محمد، الزوجة الأولى لـ هشام ربيع زوج بوسي، تفاصيل طلاقها بسبب بوسي، مشيرة إلى أنها في خلافات مستمرة مع زوجها، ولن تتقبل وجود ضرة.

وقالت منة: أنا حسيت أول ما هشام وبوسي اتعرفوا على بعض وعرفت علاقتهم لأنه كان متغير شوية، وعلاقتهم اتطورت لما كانت في مشاكل مع هشام بسببها، حاولت أخبي على ولادي زواج والدهم ولكنهم عرفوا وزعلوا من كلام الناس، وهو حاليا عايش في شقة لوحده ولا معايا ولا معاها، كلنا متخانقين.

وتابعت منة: أنا عندي ولدين توأم 13 سنة وبنت 4 سنين وطبعا فهموا أن والدهم إتجوز من تعليقات الناس، وبقول لهم إنها فترة وهتعدي وهشام هيبقى معانا تاني وأنا مش عارفة هعمل إيه هل هيطلقني ولا هيطلقها لأن لازم واحدة تكمل، ولو طلقني تاني هتقبل أنه اختار طريقه وربنا مش كاتب لنا نصيب مع بعض.

وأضافت منة: هشام مش مقصر مع ولاده وبيصرف عليهم ومش مخليهم محتاجين حاجة وبيزورهم، وأنا وبوسي مش من منطقة واحدة احنا من محافظة الشرقية بس، ولا أنا أعرف بوسي ولا هي تعرفني.. والفترة الجاية هنشوف الدنيا هتمشي إزاي.