برسالة قاسية زوجة حسن أبو الروس تكشف حقيقة انفصالهما

خرجت غادة والي زوجة الفنان حسن أبو الروس عن صمتها لترد عن الشائعات التي تداوالت الفترة الماضية حول انفصالها عن زوجها ووجهت له مجموعة رسائل من خلال حسابها الرسمي عبر موقع الصور الشهير "انستجرام".

وكتبت قائلة: "حسن ما بدأش السنة دي حسن بقالوا 15 سنة بيمثل، وبيعمل ورش وشارك فى مهرجانات عالمية زي افينيون في فرنسا، حسن بياخد كل فرصة أنه يسعد اللى حواليه، أهله وصحابه، دار مسنين، أطفال، ملاجئ أو حتى ناس قابلها مرة في حياته فى الشارع، ودي رسالته الحقيقية ونشر البهجة".

وأضافت: "حسن من صغره معروف بلبسه المختلف ومش خايف يبقي نفسه لدرجة ان صحابه فى الشغل القديم عملوله تورتة على شكل قميص مشجر، فيه فنانين كتير عالمية ومصريين حسن متأثر بيهم، عندهم ذوق مختلف زي مايكل جاكسون، برونو مارس، الأستاذ سمير غانم وفؤاد المهندس، أحمد زكي، شكوكو، وغيرهم".

وتابعت: "وبرغم من المحتوى الكوميدي والمزيكا الديسكو، شعبي، اللى بيقدمه حسن بيشتغل ليل نهار 15 سنة علشان يوصل لحلمه، حسن اشتغل بذكاء لترويج آخر أعماله مع الفنانة دينا الشربيني، زي اى دويتو اتنين فنانين عملوه، وده جزء من الحملة مع شركة الدعاية، كل اللى قابل حسن وعرفه معرفة شخصية يعرف قد ايه هو جدع وصاحب موقف، ومتأخرش فى مساعدة أى حد يلجأ له، وده اللى خلا صحابه يقفوا يلبسوا أحمر فى فرحه".

واختتمت غادة والي حديثها قائلة: "وبرغم الحملات المقصودة ضده فشغله لسه تريند ومفيش حاجة هتوقف نجاحه لأن عزيمته أكبر بكتير، والناس اللى مش حابة أعماله ممكن تلغي متابعته بكل بساطة واحترام، ياريتكوا زي حسن فى شجاعته انه يبقي نفسه الحقيقية من غير ما يقلد اللى حواليه، ويمشي ورا الدارج، وفى معافرته انه يوصل لحلمه بمجهوده بدون أى واسطة أو معرفة في المجال، كلنا فى ضهرك وبنحبك يا أنضف قلب وألذ شيكالستك فى مصر، مبروك يا أبو علي

وفي سياق تصدر حسن أبو الروس محركات البحث خلال الفترة الماضية بسبب بعض تصرفاته في فاعليات المهرجان حيث آثار إستياء رواد السوشيال بإقتحامه ندوة النجم أحمد السقا ،والتي أقيمت على هامش تكريمه فى الدورة الخامسة من المهرجان وعلى الرغم من أن الندوة أقيمت من أجل السقا إلا أن حسن اقتحم الندوة وصعد على المنصة من أجل تحية السقا وقام بتقديم أغنيه مما عرضه للإنتقاد الشديد من رواد منصات التواصل الاجتماعي.