مرتضى منصور لكهربا: «مش مستني فلوسك.. لكن هتدفع هتدفع»
وجه مرتضى منصور، رئيس مجلس إدارة نادي الزمالك، رسالة لمحمود كهربا لاعب الأهلي، بشأن الغرامة الموقعة عليه لصالح الأبيض، والمقدرة بـ2 مليون و400 ألف دولار.
وقال مرتضى منصور في تصريحات خلال المؤتمر الصحفي: "كهربا هيدفع هيدفع، ومستنيك تقول من اللي حرضك تهرب من نادي محترم وعظيم، علشان يحصل معاك كل دا".
وأوضح: "قالوا كهربا مش هيدفع الغرامة غير بعد سوق الانتقالات، علشان مرتضى منصور ميتعاقدش مع صفقات، بقولكم الصفقات كلها خلصت ومش مستنين فلوس كهربا".
وكشف رئيس الزمالك عن مراكز اللاعبين الجدد، حيث قال: "تعاقدنا مع باك يمين، ولاعبين خط وسط، وجناحين، ومهاجم عالمي وقعت على عقده إمبارح".
وأوضح: "سيبنا قعر القفض للمنافسين وأخدنا وش القفص والتفاح في الصفقات".
وتابع: "أمير مرتضى منصور هيلعن عن الصفقات بكرة، وإحنا بعد ما بناخد موافقة اللاعب بنكلم النادي بتاعه، ومحدش بيتشرط على الزمالك".
واختتم مرتضى منصور تصريحاته: "إحنا بندفع اللي يناسبنا واللي يناسب اللاعب، واتعاقدنا مع كل اللي عايزينه 10 صفقات وأنا اتصرفت من عندي، ومش هتقدر تعمل حاجة يا ممدوح عباس".
