وزير المالية: مفيش حكومة ملهاش أخطاء ومحدش هيخلد «فيديو»

تحدث الدكتور محمد معيط، وزير المالية، عن استمرار ارتفاع أسعار بعض السلع، قائلا: "المواطن بيقول الحكومة عندها أخطاء، مفيش حكومة في العالم معندهاش أخطاء، وإحنا بنواجه أزمة أسعار عالمية".

وأضاف الدكتور محمد معيط، وزير المالية، خلال حواره لبرنامج "حقائق وأسرار" المذاع على قناة "صدى البلد"،: "لو العالم عايش مستقر وأنا بس اللي عندي الكلام ده يبقى ليك الحق تزعل مني وتلومني، معقبا: "الكمال لله وحده، وما نفعله اجتهاد، محدش هيخلد".

وتابع: "أنا مقدر أن أسعار السلع مؤثرة سلبا على المواطن، لكن لو سألت أي مواطن في العالم هتلاقي نفس الوضع ده، معقبا: "مصر الدولة الوحيدة اللي نجحت في تحقيق معدل نمو بنسبة 6.6% رغم الظروف العالمية الصعبة".

وأكمل: "المواطن اللي زعلان من زيادة الأسعار هو نفس المواطن الذي أشاد بإدارة الحكومة لأزمة فيروس كورونا، لكن لو هتلوم الحكومة في الأزمة الجارية، عليك لوم كل حكومات العالم".