«17 سنة مش بشرب مياه».. سماح أنور تروي تفاصيل خاصة عن حياتها

عقب غيابها عن شاشات التلفزيون، بطلة مسلسل ذئاب الجبل، تروي تفاصيل خاصة عن حياتها خلال فترة غيابها.

قالت الفنانة سماح أنور:"بقالى 17 سنة مبشربش مياه خالص وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".

سر امتناع سماح أنور عن شرب المياه

وتابعت خلال لقائها ببرنامج “كلام الناس” المذاع على قناة :إم بي سي مصر": "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضروات والفواكه اللي فيها مياه".

وتابعت: "أنا مع التدخين ولكن بشرط ميكونش فيه ضرر كبير على الشخص، وأنا مبدخنش سجاير مصري".

وقالت الفنانة سماح أنور في حديث سابق: "قدمت خلال مسيرتي ما يقرب من 200 عمل فني، وفي الحقيقة لا أحب مشاهدة أعمالي، وعمرى ما اتفرجت على نفسي وانبسطت ودايمًا بطلع القطط الفطسانة في شغلي علشان بحب الحاجة تطلع حلوة".