سماح أنور: بقالي 17 سنة ما بشربش مياه

ظهرت الفنانة سماح أنور مع الإعلامية ياسمين عز في برنامج "كلام الناس" وتحدثت عن تفاصيل غيابها عن الساحة الفنية.

وقالت سماح أنور في البرنامج: "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضراوات والفواكه اللي فيها مياه وبقالى 17 سنة مبشربش مياه خالص".

وأضافت: "الناس بتسألني هو إنتي ليه مسترجلة وأنا ست رياضية وبحب السينما المختلفة، وكل اللي الناس اللي أطلقت عليا لقب مسترجلة قالوا الكلام ده من منظور لبسي في دور معين عشان كده بفرح لأن اللي يقول كده يبقي صدق الدور، وأنا مفيش دور عملته بيمثلني لغاية دلوقت خالص ومش هعمل كده، أنا بحب الاختلاف مع إني كسولة ولكن عندي أحلام وأفكار".