وزير الصحة يعنف طبيب مستشفى منفلوط: الكلام دا مينفعش معايا يا دكتور «فيديو»
عنف وزير الصحة الدكتور خالد عبد الغفار، مسئولي تنفيذ مشروع مستشفى منفلوط ، خلال جولة تفقدية أجراها الوزير للمشروع صباح اليوم.
وبحسب مقطع فيديو عرضت فضائية "تن"، قبل قليل، ظهر الوزير وهو يعنف مسئولي مشروع مستشفى منفلوط أمام الجميع.
وانفعل الدكتور خالد عبد الغفار، وزير الصحة عبر المقطع المذاع على مشروع مستشفى منفلوط، قائلا له: "إحنا في الوضع ده كده بقالنا قد إيه".
وأضاف: "مينفعش يبقى عندي محافظة في قلب الصعيد تكون محتاجة خدمات صحية وإحنا كوزارة صحة مقصرناش في حاجة والموازنات شغالة، و تيجي تقولي المقاول اتغير دي مش شغلتي".
وتابع: "حتى لو في تغيير في البرنامج الوظيفي ميخدش 5 سنين المساحة وحجم المستشفى مياخدش 5 سنين في ظل الظروف اللي البلد بتمر بيها، الكلام دا مينفعش معايا يا دكتور".
