بعد وفاة زوجته.. خالد زكي يكشف حقيقة حبه لميرفت أمين «فيديو»
كشف الفنان خالد زكي، سبب استمرار زواجه لـ 40 سنة، معلقًا: "بيموت الحب لما الاتنين يكونوا مش متفقين".
وقال زكي، خلال لقاء قديم ببرنامج "واحد من الناس"، المذاع على قناة الحياة: "الست في وقت الرومانسية بتكون محتاجه مبادلة من الراجل، وكلمة السر في استمرار زواجي، هي الثقة المتبادلة والحب والتفاهم، من زمن طويل، لما بيبقى ده موجود، الحياة بتستمر".
وأضاف: "في وقت الكلام الحلو لازم أقول، بيطلع لوحده في وقته، لكن مش محدد ليه وقت"، متابعًا: "الراجل اللي بيجري ورا قلبه خايب، أو المرأة، لأن اختيارها هيكون غلط، لازم العواطف تبقى مغلفة بالعقل، ويقرب ويرجع تاني يبعد شوية، عشان تكون القرارات سليمة".
وتابع: "مقدرش أضعف قدام دموع مراتي، لأني مش هخليها تدمع مني، في رحلة عمرنا مخليتهاش تبكي أبدا بسبب حاجة مني".
وعن حبه لميرفت أمين، أكمل: "هو في حد في الدنيا مبيحبهاش، دي كانت فتاة أحلامنا كلنا، بس من طرف واحد، لما اشتغلنا سوا، قولتلها كنت بحبك جدا زمان".
وتوفيت زوجة الفنان خالد زكي، اليوم، وذلك بعد صراع طويل مع المرض، حيث أعلن الفنان الكبير عن وفاتها في أحد المستشفيات التي كانت تعالج بها.
