عمرو يوسف يكشف مفاجآت في وعد إبليس
تحدث الفنان عمرو يوسف عن مسلسله الجديد وعد إبليس، والذي يعرض على إحدى المنصات الإلكترونية.
وقال عمرو يوسف في تصريحات تليفزيونية: "أعتقد إن موضوع الشيطان رمزي أكثر من كونه الشيطان نفسه، يعني مثلًا لو قولنا إن فيه راجل عليه دين كبير والدين ده ممكن يدخله السجن، هل هيوافق إنه يرتشي؟ في الحالة دي بتكون الرشوة هي الشيطان".
وتابع: "طبعًا المسلسل فيه جزء فانتازيا، إحنا مش بنعمل مسلسل رعب ولا أكشن ده مسلسل إنساني بحت".
وأضاف: "باولا سابت توم كروز ودنزل واشنطن وراحت تمثل مع العبد لله، والست اشتغلت مع نجوم هوليوود وكنت لسة بكتشف الشخصية هتعامل معاها إزاي خاصة إني أول مرة أقابلها، وهي على المستوى الإنساني بني آدمة جميلة ومتعاونة وبذلت مجهود كبير، وأنا استمتعت بالشغل معاها وفريق العمل كله سعيد بالعمل معاها، ولسة دورها هيوضح في الحلقات اللي جاية أكتر".
