هاجر الشرنوبي تتعرض لمحاولة خطف وقتل.. اعرف التفاصيل

كشفت الفنانة هاجر الشرنوبي عن تعرضها لمحاولة خطف من قبل سائق سيارة تابعة لإحدى شركات النقل الذكي بالإسكندرية.

وأوضحت هاجر الشرنوبي تفاصيل محاولة اختطافها من خلال منشور على صفحتها تحذر من التعامل مع قائد السيارة والشركة، وكتبت: "خلي بالكوا يا جماعة علشان كنت هتخطف، مش عارفه كان هيخطفني ولا هيقتلني بس شكله اه".

وأضافت: "القصة كلها إني طلبت عربية من قدام البنك مشي بيا يادوب شارعين على البحر في اسكندرية، ولقيته بيقولي ان في سواق عدي من جمبه قاله إن العجلة اللي ورا داخل فيها مسمار، وطبعا لإني كنت ماسكه الموبايل ومش مركزه ما أخدتش بالي أصلا ، وكان مصمم انه ياخدني معاه يصلح العجلة، ومحاولات كتير اني أروح خمس دقايق بس يصلح العجلة زي ما طلب، طبعا أنا رفضت لأني كنت مستعجلة، لو مكنتش مستعجلة كان صعب عليا وروحت معاه لبتاع الكاوتش، فقال لي خلاص هاتي تليفونك اعملك تحويل للرحلة وهفضل منتظر مع حضرتك لحد ما الرحلة تتبدل».