شيرين عبد الوهاب: «كان نفسي أتجوز ميكانيكي وأحميه».. وتكشف عن مفاجأة

تداول مقطع فيديو قديم للفنانة شيرين عبد الوهاب، أثناء استضافتها مع الفنانة إسعاد يونس في إحدى حلقات برنامجها "صاحبة السعادة" عام 2016 على شاشة قناة "سي بي سي".

وكانت قد كشفت فيه عن مواصفات فتى أحلامها، قائلة: "كان نفسي أتجوز ميكانيكي أو راجل بيشتغل في الحدادة، عشان يجيلي بالشحم وبالفانلة الكت دي ويبقى عنده عضلات كبيرة كده، وأقوم أنا بقى أحميه، وأحضر له الطبلية".

وتابعت: "كان نفسي أوي أسكن في أوضة فوق سطوح مثلا، ونقعد بالليل بقى كده، ياه، كان نفسي قوي العيشة دي الحقيقة، وبحب الراجل الخشن".

كما كانت قد قالت شيرين فى مداخلة هاتفية مع الإعلامية "لميس الحديدى" فى برنامج "كلمة أخيرة": حسام حبيب طلب 10% من أرباح شغلى.. أنا اتجوز قرد ومارجعش ليه تانى.. ومش عايزة أعرف حد اسمه حسام تانى".

جدير بالذكر، أن الفنانة شيرين عبد الوهاب تستعد حاليًا لإحياء حفل غنائي يوم 8 أكتوبر المُقبل، في جامعة مصر للعلوم والتكنولوجيا.