«النادي كان خرابة».. استغاثة العاملين في الزمالك بمرتضى منصور من ممدوح عباس

وجه عددًا عن العاملين بنادي الزمالك، استغاثة بمرتضى منصور رئيس مجلس الإدارة، بسبب الحجز على أرصدة النادي في البنوك، من قبل ممدوح عباس رئيس الأبيض السابق.

وقالت إحدى العاملات بنادي الزمالك، في فيديو تم بثه عبر الحساب الرسمي لقناة الزمالك على "فيسبوك": "أنا عندي سؤال، أنا اشتغلت أيام ممدوح عباس ومكنش فيه قبض علشان مفيش فلوس في النادي، يبقى هو ليه فلوس منين، إنت مكنتش بتقبض الموظفين".

وتابعت: "أنا جاهلة ومرتبي كان 400 جنيه ومكنتش بقبضه، إزاي ممدوح عباس ليه فلوس"، ليرد مرتضى منصور: "أسالي الدولة".

وواصلت العاملة موجهة حديثها لمرتضى منصور: "النادي نضف في عهدك، ومفيش حاجة اتعملت ولا المرتبات زادت غير في عهدك، النادي كان تراب ومعفن، وكنا بنقرف ندخل الحمامات، وإنت اللي عملت النادي".

وأضافت: "السنة اللي سبتنا فيها، النادي كان خرابة وإحنا كان بيتداس علينا، ومحدش كان بيجيب حقنا".

واختتمت: "إحنا وراك في أي حاجة حتى لو مش هنقبض، حبًا فيك وفي نادي الزمالك علشان أكلنا منه عيش وبنربي وبنعلم أولادنا منه".