نادية الجندي: «أفلامي كلها صعبة وبتاخد مني مجهود»

عبّرت الفنانة نادية الجندي عن سعادتها، بالمشاركة في مهرجان القاهرة للدراما بدورته الأولى، المقام حاليًا في مركز المنارة، بمنطقة التجمع الخامس.

وقالت نادية الجندي خلال حوارها مع قناة DMC: أفلامي كلها أكشن وصعبة جدًا وفيها عنف وسياسة، ودي كانت أعمال بترهقني جدًا لأنه فيها مشاعر ودراما قوية وبتاخد مني مجهود كبير جدًا وتحضير وقلق، وحسيت إني عايزة أعمل حاجة مختلفة وعملت كوميدي في 5 باب وبونو بونو لكن في مسلسل سكر زيادة كان كوميديا اجتماعية، وكل حاجة فيها رسالة في إطار كوميدي ومعايا باقة مختلفة جدًا ومنتج كبير زي صادق الصباح لم يبخل على العمل وفكرة مأخوذ من عمل أجنبي حسيت إنه حاجة جديدة ومختلفة.

تصريحات نادية الجندي

وأضافت نادية الجندي: لازم الفنان يجدد ويغير، أما عن مهرجان القاهرة للدراما خطوة جميلة جدًا وهيعطي فرصة للتنافس للأعمال الهادفة وهتثري الحالة الفنية في مصر وكان لازم يكون فيه مهرجان القاهرة للدراما وفيه تنظيم كبير أوي والقائمين باذلين مجهود كبير أوي لكن الانطباعات لسه مقدرش أقول حاجة.