«هيموت معايا حلمي».. رسالة مؤثرة من طالب دهسه قطار بالعياط
حالة من الحزن الشديد، خيمت على أهالي مدينة العياط، بعد دهس قطار الصعيد لطالبين، أثناء عودتهما من درس خصوصي، وعبورهما شريط السكة الحديد.
«هيموت معايا حلمي»
وتداول رواد مواقع التواصل الاجتماعي بوست نشره عمر هاني أحد ضحايا حادث قطار العياط عبر صفحته الشخصية على موقع التواصل الاجتماعي فيس بوك، والذي تضمن طلب من الجميع بمسامحته وورد بالمنشور: "يوم ما أموت هيموت معايا حلمي وضحكتي وصوتي وجناني وكل حاجة، هيعيط عليا اللي بيحبني وهيضحك اللي بيكرهني بس عاوز الناس كلها تتأكد إني كنت بحب كل الناس، ولو زعلت حد مني سامحني وده اعتذار رسمي مني قدام كل الناس وافتكرني بدعوة حلوة.. انا مش عارف غلطت كام مرة في حق شخص.. لكن سامحني انا معرفش امتى هيكون يومي.. ممكن فجأة امشي ومرجعش تاني فالدنيا ملهاش امان.. تاني مرة بعتذر لو زعلت حد مني، بعتذر لو جرحت حد.. بعتذر لو ازعجت حد.. النهاردة انا "موجود.. ربنا وحده يعلم انا هكون فين بكرة.. فسامحوني".
«بلاغ بالحادث»
وكانت تلقت الاجهزة الامنية بالجيزة بلاغا بوقوع حادث على شريط السكة الحديد بالعياط، وبانتقال قوات الأمن تبين دهس القطار لطالبين أثناء عبورهما شريط السكة الحديد.
وباجراء التحريات والفحص تم التوصل لهوية الضحيتين وتبين أنهما، إسماعيل إبراهيم و عمر هاني طالبي ثانوية عامة يقيمان يقريتي بيدف وطهما بالعياط، فتم رفع آثار الحادث، وتم تحرير محضر بالواقعة.
