أبو هشيمة: لو وضعت 10 ملايين سيدة 50 جراما من الذهب في البنوك سنوفر 25 مليار دولار للدولة «فيديو»

قدم أحمد أبو هشيمة، رجل الأعمال أحمد أبو هشيمة، رئيس اللجنة الرياضية بمجلس الشيوخ، مقترحا بتفعيل مبادرة باستثمار الذهب من خلال البنوك ، قائلا: "لو وضعت 10 ملايين سيدة 50 جراما من الذهب في البنوك سيدخل في رصيد البنك المركزي للدولة بقيمة 25 مليار دولار، لأن إدخار الذهب في البنوك سيحقق لدولة عوائد عديدة".

وأضاف أبو هشيمة، خلال لقاء تلفزيوني مع الإعلامي شريف عامر، ببرنامج "يحدث في مصر" المذاع عبر فضائية "إم بي سي مصر": "المواطن المصري هيروح البنك يودع الذهب وهياخد صك من البنك بكل بيانات الذهب منها العيار ووزن الجنية، والبنك هيقولك عندك عائد كذا هتاخده بالطريقة المعينة زاي شهادة الاستثمار".

وتابع: "دلوقتي إنت شايل الذهب لأنه وسيلة للإدخار والاطمئنان، وفي ناس باعت ذهب كتير الأيام اللي فاتت في وقت زنقة، ودلوقتي، لكن بعد الإيداع في البنك لو عايز تبيع الذهب هتروح للبنك وبيتم الإعلان عن سعره لانه ليه بورصة زاي أي معدن وسعره معلن".

وأكمل: "شوف الاقتصاد المصري هيستفاد قد أي من إيداع الذهب في البنوك واحنا رايحين لصندوق النقد عشان نستلف 7 مليار دولار وبقالنا في مفاوضات كتير"، معقبا: "المصريين جوا بلدهم عندهم ثروة كبيرة من الذهب الله أعلم كام".

وواصل: "أنا سألت الناس وبعض الأشخاص والمتعلمين، عن إيداع الذهب في البنك، في ناس قالتلي عايزين تاخدوا دهبنا كمان".

وأردف: "امتى الدولة أخذت من أي مودع مصري فلوسه في البنوك، امتى الدولة لم تفي بالتزاماتها دوليًا، طبعا دا محصلش ولا هيحصل".

وأنهى بالقول: "مؤخرا بالمقابل ظهر كام مستريح في الفترة الماضية، يعني بنثق في ناس مش مضمونة و"مستريح" ولا نثق في الدولة المصرية".