«نمت مع ابن خالتي وأخويا».. كواليس صادمة وراء إنهاء حياة فتاة على يد والدها بأوسيم

واقعة مأساوية أثارت حالة من الجدل بشكل كبير بين أهالي أوسيم، حيث حدثت في مركز أوسيم بمحافظة الجيزة.

حيث قام أب بقتل ابنته بعدما اكتشف أنها تحمل سفاحًا من أحد أقاربها، إذ كشف المتهم خلال التحقيقات، تفاصيل علاقة ابنته الجنسية مع 4 أشخاص.

وأكد الوالد، خلال التحقيقات، أن ابنته اعترفت له بتعدد علاقاتها غير الشرعية مع عدة أشخاص، واتهمت أحدهم فتزوج منها رغمًا عنه.

وأشار الوالد، خلال التحقيقات، إلى أنها بعد ذلك اعترفت أن المولود يعود لشقيقها مما أثار غضبه وقرر التخلص منها.

حيث قال الأب، بالتحقيقات: "اتكلمت مع بنتي وجبنا الراجل اللي قالت عليه إن هي حامل منه، وبعد كده قولنا إن هو يكتب عليها، وفعلا وافق وكتبنا عقد عرفي، الآن هي لسه مكملتش 16 سنة، لأن هي مينفعش تتجوز غير لما تتم 18 سنة".

وتابع: "وبعد كده بنتي روحت مع جوزها البيت وقعدت معاه أسبوع وفضل يضربها، وبعد كده راحت عند جدها وأنا روحتلها البيت وقالت لي إن هي نامت مع أخوها وابن خالها قبل كده".

وبعدها روحت على بيت حمايا اللي فيه عيالي ومراتي بعد ما عرفت أن بنتي عاشرت أخوها و2 من أقاربها، وخبطت على الباب فتحت مراتي وقولتلها، روحي اشتریلی سجائر وعصير وولاعة، وأنا هتكلم مع بنتي شوية، وفعلا روحت أقعد اتكلم معاها، وقولتلها إنتى فضحتيني لقيتها بتقولى أنا عايزة أقولك على حاجة تاني بس متضربنيش فقولتلها قولي متخافيش.

وتابع المتهم أمام جهات التحقيق: "بنتي قالتلي إن فيه شخص رابع نام معاها وقالتلي إن هو ابن خالها نام معاها هو كمان، وهي متعرفش الولد ابن مين فيهم بالضبط، وأنا أول ما قالتلي الكلام ده محستش بنفسي ومستحملتش العار، وكان في جنبي صنية فيها أطباق وكوبيات وحلل وسكينة روحت ساحب السكينة وفضلت أضربها بيها لحد ما ماتت".