«فيديو» شيرين رضا: «بُوسة خالد النبوي كانت مظبوطة»

وجهت الإعلامية لميس الحديدي سؤالًا خلال استضافتها للفنانة شرين رضا، قائلةً: «فيلم قمر 14 الذي عُرض مؤخرًا خاصة المشهد الأخير فيه قبلة بينك وبين خالد النبوي إيه رأيك؟ لترد: «الحاجة لو متوظفة صح هتبقى مظبوطة سواء ملابس، أو خاتم، أو بوسة، أو حضن، لازم تُوظف بشكل جيد عشان تبقى مقبولة ومظبوطة».

وانتقدت الفنانة شيرين رضا، الفنانين الذين يرفضون المشاهد الساخنة من القبلات والأحضان، قائلةً: «فترة الثمانيات عندما انتشرت أفلام المقاولات نفرنا من الموضوع ده وبطلنا خالص، والحاجة لو متوظفة صح هتكون مظبوطة».

وحول حياتها العائلية، قالت شيرين إنها ترفض الزواج، وتعيش سعيدة مع تربية القطط؛ بعدما تعرضت لصدمة خيانة صديقة لها مع زوجها، وهو ما سبب لها صدمة نفسية كبيرة.

وأردفت: «لما عرفت بالخيانة حسيت إن الوجع بيجيلي من كل حتة، ولو كنت واجهت صاحبتي كنت هسألها ليه عملتي كده؟ وأول معرفت بخيانتها قطعتها من حياتي، خالص، ويومها كانت نهاية العلاقة مع زوجي».

وأكملت: «ليه أحس بالخيانة مع زوجي، ومع صحبتي، وهم الأقرب إليّ، فكيف يفعل بي الغريب، صعب جدًا يبقى معندكيش أمان من حد لا زوج ولا صديقة، ولما افتقد الأمان في بيتي هل أستشعره مع الغرباء، ولدي الآن أصدقاء مخلصين محدش منهم يقدر يعمل فيا كده، وأنا كمان مقدرش أعمل كده في أي حد فيهم الخيانة صعبة لما تيجي من صديق».