وفاء مكي: «الرجالة كانوا بيتخانقوا عليا وأنا كنت مغيبة» - فيديو

حلت الفنانة وفاء مكي، ضيفة ببرنامج "كلام الناس"، الذي تقدمه الإعلامية ياسمين عز، على قناة إم بي سي مصر.

وأثارت وفاء مكي، جدلًا كبيرًا بعد تصريحاتها عن الحجاب، وسبب ظهورها به في أحد البرامج.

وعن سبب ظهورها بالحجاب في أحد البرامج، قالت: "الحجاب لا عيب ولا سُبة، كنت في برنامج ديني وكنا بنصور في مصر الجديدة وقعدت أدور على إيشارب لأنهم قالولي لازم حجاب عشان فيه شيخ وقرآن وقعدت ألف بالعربية لحد ما اشتريت حجاب، احتراما لهيبة الشيخ".

وتابعت: "الشيخ طلب مني ألبس إيشارب احتراما للحديث والقرآن، وأنا متحجبتش مش عيب ولا حرام ولا قلة أدب".

وأكملت: "ناس كبار طلبوا أسيب الفن وأتجوزهم وعرضوا عليا ملايين، ولكن أنا كنت مغيبة، ولو رجع بيا الزمن هاخد الفلوس وأتجوز لأن فلوس الفن معملتش بيها حاجة وابني والده توفاه الله".

وواصلت: "أنا غلطت بس ملقتش حد يوعيني وأنا كنت مغيبة لدرجة مش بفتكر عملت كام عمل والعمر سرقني والرجالة كانوا بيتخانقوا عليا".