ولا كأننا في هندسة: عمرو أديب: «الأهالي بيعملوا جمعيات عشان يجيبوا السبلايز!»
علق الإعلامي عمرو أديب، على الطلبات المبالغ بها، التي تطلبها بعض المدارس من الطلاب، مع بدء العام الدراسي الجديد، ومعاناة الأسر في توفير احتياجات أبنائهم الدراسية.
وقال أديب، خلال برنامجه "الحكاية"، المذاع على قناة إم بي سي مصر: "الله يكون في عون أولياء الأمور، الناس بتحاول بقدر الإمكان توفر الاحتياجات".
وأضاف: "المطلوب كتير، والحاجات غليت، لكن بعض المدارس فيها افتراء في الطلبات، والبعض بيطلب لتر كحول من كل تلميذ ليه؟ ما خلاص الكورونا عدت، الكحول ده ليه؟".
وتابع: "ربنا يكون في عون الناس وأولياء الأمور ويقدرها، ناس كتير عاملة جمعيات عشان تجيب السبلايز، والسبلايز كل سنة بقى عندنا فيها مسمرة، ولا كأننا في كلية هندسة".
