ياسمين عز: اوعي تقولي لجوزك خد كيس الزبالة في إيدك وأنت نازل

وجهت الإعلامية ياسمين عز رسالة للفتيات، بعدما أثارت جدلًا كبيرًا بتصريحاتها الأخيرة، قائلة: "لفت نظري أن البعض ساب جوهر الموضوع ومسكوا في كلمة الفرخة والسجادة وغيرها".

وقالت ياسمين عز، في حديثها ببرنامج "كلام الناس"، المذاع على قناة إم بي سي مصر: "سمعت النهارده حكمة بتقول إن البيت الذي تمارس فيه الدجاجة عمل الديك مصيره الخراب".

وأضافت: "مينفعش تكوني ناعمة وأنثى وفي نفس الوقت قوية، لكن لازم تكون شخصيتك قوية، ومعدش أعاند وأناطح".

وتابعت: "لو كلفتوا نفسكوا تشوفوا الحلقة كاملة، قولت إن كلامي موجه للستات القادرة والمفترية، مش الشقيانة والتعبانة، دول كتر خيرهم".

وأكملت: "مسكتوا في الجذمة والسجادة، أمال لو قولتلك اوعي تقولي له خد كيس الزبالة في إيدك وأنت نازل، أنتي عمرك ما هتقولي لأبوكي كده، متعمقوش الموضوع، عشان مدخلش معاكوا في النقاش، ونحترم أبونا وأخونا، وأزواجنا كذلك".