عمرو أديب: بطلوا تركبوا السائح الجمل بالعافية.. فيديو

ناشد الإعلامي عمرو أديب، الجهات المعنية بالاهتمام بالملف السياحي، قائلا:"مصر بلد سياحية، ودخل السياحة عظيم ومهم جدا".

وأضاف الإعلامي عمرو أديب، خلال حلقة اليوم من برنامجه "الحكاية"، المُذاع عبر فضائية "إم بي سي مصر"،: "مصر حققت خلال النصف الأول من هذا العام ضعف عدد السياح في عام 2021"، معقبا: "عايزين نوصل لـ 12 مليون سائح ".

وتابع: "هونج كونج عشان يرجعوا السياحة، هيوزعوا نص مليون تذكرة طيران مجانا، معقبا :"مصر محتاجة مبادرات سياحية جريئة زي النص مليون تذكرة مجانا بتاعت هونج كونج".

وأكمل: "لازم يكون عندنا طموح أكبر للسياحة، ونستقطب المستثمرين في هذا المجال، وابتكار أي مناسبة سياحية، معقبا: "مصر هي بلد الأمن والأمان، والطرق الجميلة، والكباري العظيمة".

وواصل: "ممكن يبقى فيه بعض السلوكيات مش لطيفة، معقبا: "أستحلفكم بالله، بطلوا حكاية تركِّبوا السائح الجمل بالعافية، لازم نقول للناس اللي في الهرم، السائح مايتعاملش كده".

واختتم: "السياحة تمثل صناعة واهتماما، وتقوم على خطة دولة”، معقبا: "السياحة زي صناعة الحديد والأسمنت، مفيهاش هزار، ولازم نغير طريقة الترويج بتاعتنا".