مفيدة شيحة: المرأة المثقفة هي الجيش الحقيقي للرجل

كشفت الإعلامية مفيدة شيحة، عن سبب عدم تفضيل الرجال الارتباط بالمرأة المثقفة، وخوفه منها.

وقالت مفيدة شيحة، خلال برنامج "الستات"، المذاع على قناة النهار: "المرأة المثقفة اللي بتحب تقرأ، دي سند وضهر للراجل، بدل ما يفكر يكون القائد، يفكر أن في واحدة هتساعده يتحمل المسئولية أكتر وهتبقى جيشه الحقيقي".

وأضافت: "المثقفة ممكن تحب شخص أقل منها والمشكلة مش أنا أعجب بمين، المشكلة عند الرجالة في الست صاحبة الثقافة العالية، كل رجل بيقابل المرأة المثقفة بيرجع خطوة للوراء حتى لو كانت جميلة".

وتابعت مفيدة شيحة: "المشكلة أن مفيش الراجل الشجاع اللي بيقول أنا هحتوي الست دي، وبيكون في تعالي عندهم، وخوف من المرأة المثقفة".